მერვე დღე

მეშვიდე და მერვე მოდული დამეხმარა დავფიქრებულიყავი მასწავლებელზე, როგორც ფასილიტატორზე, დიფერენცირებულ სწავლებაზე და მოსწავლის მხარდამჭერზე შემდეგი თვალსაზრისით: მასწავლებელი დიფერენცირებულ მიდგომას იყენებს პროექტული სწავლების დროს, რათა ყველა მოსწავლე ჩართოს აქტივობებში მათი შესაძლებლობების გათვალისწინებით. მასწავლებელი ქმნის მოსწავლის მხარდასაჭერ სავარჯიშოს ელექტრონულ ფორმატში, რათა მოსწავლემ დამოუკიდებლად შეძლოს თავისი უნარ-ჩვევების და ფაქტობრივი ცოდნის გამოყენება. ფასილიტაცია იმისათვის არის საჭირო, რომ გეზი მივცეთ მოსწავლეებს და გავუადვილოთ თავისი საბაზისო ცოდნის გამოყენება. გავუკეთოთ სკაფოლდინგი მათი სწავლის გასაადვილებლად.

მეშვიდე დღე

მიმდინარე მოდული დამეხმარა, გამეანალიზებინა მოსწავლეზე ორიენტირებული შეფასების ფორმები რამდენიმე თვალსაზრისით: გავეცანი და შევქმენი  მოსწავლის სავარაუდო ნაშრომის  ჩეკლისტი, რომელიც მოსწავლეს შესაძლებლობას მისცემს დაგეგმილი სამუშაო სტრუქტუირებულად შეასრულოს. გავეცანით და შევქმენით მოსწავლის სავარაუდო ნაშრომის შეფასების რუბრიკა, რომელიც მოსწავლეს დაეხმარება ჯგუფის მიერ შესრულებული სამუშაოს პროცესის შეფასებაში. ასევე შესწორება შევიტანეთ შეფასების დროის ჩარჩოში, აღვწერეთ შეფასების მეთოდები. პორტფოლიოს  შეფასების რუბრიკით კოლეგებს შევუფასეთ მოსწავლის სავარაუდო ნაშრომი და მივეცით განმავითარებელი კომენტარი.

მეექვსე დღე

მოსწავლეების საჭიროებების, ინტერესების, უნარ-ჩვევების და შესაძლებლობების გათვალისწინებით შევქმენი მოსწავლის სავარაუდო ნაშრომი. ამით მოვახდინე მოსწავლის ცოდნის გამთლიანება, საკვანძო საკითხების განხილვა. ასევე, მოსწავლის ნაშრომისთვის შევქმენი მისი შეფასების ინსტრუმენტი-ჩეკლისტი.

მოსწავლის სავარაუდო ნაშრომი-რუბრიკა

მეხუთე დღე

ეს მოდული დამეხმარა, დავფიქრებულიყავი, რა გავლენა შეიძლება ჰქონდეს ინტერნეტს სწავლის პროცესზე, კერძოდ: საკუთარ ბლოგზე დავდე ტრენერის ბლოგი, რათა გავცნობოდი, ჩემი კოლეგების ბლოგებს და დამეთვალიერებინა მათი პროექტების პრეზენტაციები. დავუწერე განმავითარებელი შეფასება მკაფიოდ გაწერილი რუბრიკის მიხედვით. განმავითარებელი შეფასება პროექტის საკვანძო კითხვებს, მიზნებსა და ამოცანებს შეეხებოდა. ვისწავლეთ, როგორ დავიცვათ საავტორო უფლებები ინტერნეტში მოძიებული მასალებისა. განვიხილეთ ინტერნეტში საძიებო სისტემა, რომელშიც შეგვიძლია კონკრეტული ინფორმაციის მოძიება, თუკი საძიებო სისტემის დიაპაზონს შევამცირებთ ან ბრჭყალებში ჩავსვამთ. ვისწავლეთ ბუკმარკის გამოყენება სასურველი საპროექტო საკითხების შესანახად.

მეოთხე დღე.

მეოთხე დღე.
ეს მოდული დამეხმარა გამეანალიზებინა განმავითარებელი შეფასების ფორმების გამოყენება რამდენიმე თვალსაზრისით: გავეცანით შეფასების მეთოდებსა და ინსტრუმენტებს. შევქმენით პროექტის გეგმის დროში გაწერილი შეფასების გეგმა, რომელიც მორგებულია ჩემი პროექტის აქტივობებზე. შევქმენით მოსწავლის საჭიროებებზე მორგებული შეფასების ინსტრუმენტი. ჩვენი პროექტის აუდიტოიისათვის გასაცნობად გავაკეთეთ პრეზენტაცია პოვერპოინტში.

მესამე დღე

მესამე დღე
ეს მოდული დამეხმარა, გამეანალიზებინა სტანდარტების, მიმართულებების მიმცემი საკვანძო კითხვების გამოყენება რამდენიმე თვალსაზრისით: საგნობრივი სტანდარტები და აქტივობები გავწერე ეროვნულ სასწავლო გეგმის მიხედვით. სტანდარტები დამეხმარება ამოცანებისა და მიზნების განსაზღვრაში. საპროექტო აქტივობების მიზნებზე მორგებაში. ზოგადი და შინაარსობრივი შეკითხვების დასმა დამეხმარება პროექტის წარმართვასა და გნხორციელებაში, მოსწავლეების გამოწვევაში. თემატური შეკითხვები მოსწავლეებს საკვანძო საკითხზე ამახვილებინებს ყურადღებას. 

მეორე დღის რეფლექსია

პირველმა მოდულმა გარკვეული თვალსაზრისით დამაფიქრა ჩემს როლზე სასწავლო ღონისძიებების დაგეგმის პროცესში. როგორ დავგეგმო პროექტი, რომელსაც ტექნოლოგიების გამოყენებით განვახორციელებ. პროექტი აუცილებლად მორგებული იქნება სტანდარტზე. პროექტის შესახებ როგორ დავუანონსო სამიზნე ჯგუფს. დამაფიქრა, ამ პროექტში მოსწავლის როლზე. იმედია, საინტერესო პროექტი გამომივა...